हेर्नै चाहन्न अब तिम्रो छायाँ पनि
कन्चित लाग्दैन अब त तिम्रो माया पनि |
तिम्रो माया चिराइतो जस्तै तीतो रै'छ
तिम्रो माया आँटाको रयाल-रयाले लिटो रै'छ |
लिटो त के भन्नु तिम्रो माया लिसो रै'छ
तिम्रो माया 'मेडनको' आइसक्रिम भन्दा चिसो रै'छ |
बुफन त तिम्रो कंचनजंघाको चुली जस्तो
तर तिम्रो माया भने कुखुराको ह्वास्स गन्हाउने सुली जस्तो |
ब्याग त तिम्रो कति सुन्दर चेन भा'को
तर त्यहि ब्यागभित्र हल्का ५\५ रुपियाँ मात्र छटपटी रा'को |
तिम्रै मायाले गर्दा म म्याट्रिकमा ५ पल्ट फेल भा'को
तिम्रै मायाले गर्दा म धेरै पल्ट जेल पनि गा'को |
घोडाको पुच्छर तिम्रै केशराशी ठानी खेलाउने सम्म भएँ
ठुटालाई तिमी नै ठानी अंगाल्ने पनि भएँ |
तिम्रो मायाले जे भएँ एस्तै भएँ
तिम्रो बोक्रे मायाले 'बौलाहा' उत्ताउलो भएँ |
No comments:
Post a Comment