गजल

विधा : गजल

लेखक © : एनबी इलुंगा

मिति : २०६९/११/१५ मंगलबार

हिच्किचाउन चुकेपछि अधरको भोग गरेँ |

सुर्यतारा लुकेपछि अधरको भोग गरेँ ||

कल्पनाको बुर्कुसीमा आत्तिएर झस्किएर

ओठ तिम्रो सुकेपछि अधरको भोग गरेँ ||

एता गयौ उता गयौ फर्की आयौ लुरुलुरु

छेउमा आई रुकेपछि अधरको भोग गरेँ ||

अंगालोमा पल्किएर मस्किएर लास्किएर

केशराशी फुकेपछि अधरको भोग गरेँ ||

आधा वस्त्र फुस्किएर बन्द कोठा चम्किएर

जोडी नयन झुकेपछि अधरको भोग गरेँ ||

नारी अनि प्यारी भन्दै बडा घरको ज्वाईं खोज्ने

थोत्रो रच्छ्यान थुकेपछि अधरको भोग गरेँ ||

तन जिउने मन जिउने समाधि र सम्भोगको

ओशो भाषण भुकेपछि अधरको भोग गरेँ ||